Un postre doce que gusta a pequenos e maiores, con productos da Praza da Verdura.
Invita aos nenos a que te acompañen a mercar a cabaza na Praza da Verdura de Vilagarcía para despois che axuden a facela receita xa que é moi sinxela
Ingredientes:
- 250 g de puré de cabaza
- 2 ovos
- 30 g de azucre
- 1 pouquiño de canela
- 50 g de fariña
- 1/4 cucharadiña de levadura química
- aceite de xirasol para fritir
Pídelle axuda aos nenos para facer un postre saudable e moi rico con cabaza
Elaboración das chulas:
Se inda non vaciamos a cabaza aconséllovos que primeiro a cozades uns 5 minutos, xa que cando está medio cocida solta menos auga e o sabor é mais intenso.
Unha vez teñamos os 250 gramos de puré (xa sexa a cabaza cocida ou crúa) mesturamos o puré cos ovos xa batidos, o azucre e a canela. Despois engadimos a fariña tamizada xunto coa levadura e removemos pouco a pouco (preferiblemente cun garfo) para conseguir que a mezcla dos productos se faga completamente sen grumos e sen aire no interior.
Deixamos repousar esa mezcla durante media hora tapada nun lugar fresco.
Cando xa pasou o tempo a masa aseméllase a una pasta espesa como unha crema pasteleira, devemos removela un pouco e xa está lista.
Agora só debemos coller pequenas porcións de masa con unha culler ou coa man e pasalas polo aceite de xirasol ben quente. Debemos mantelas no aceite ata que estén ben doradas polos dous lados.
Cando están listas sacámolas e pasámolas por un papel absorvente para quitar o exceso de aceite que vai soltar e non queden tan pringosas.
Se queremos podemos espolvorear un pouco de azucre misturado con canela por riba.
Existen diferentes tipos de cabazas con diferentes texturas e sabores. Achégate á Praza da Verdura
As chulas están boas de calquer xeito pero quentes… son unha delicia.
Achégate á Praza da Verdura de Vilagarcía de Arousa e consegue a túa cabaza para decorar, cociñar e desfrutar. Podes facer as túas reservas a través do e-mail hola@prazaverdura.com
As vendedoras e labradoras da Praza de Vilagarcía pódente asesorar tamén de outras moitas receitas con cabaza, porque comer saudable e rico non ten que ser aburrido.
