¿Quén dixo frío se temos na nosa mesa un
caldiño de verdura con galiña?
Moita xente pensa que comer saudable é moi lioso e traballoso e acaban comendo cousas precociñadas ou fritas. Con esta receita verás que sinxelo é facer un caldiño que nos leva a cando eramos pequenos e comiamos na casa dos avós.
Ingredientes:
- 1/2 galiña (a poder ser sen pel para reducir as grasas do caldo)
- 2 cenoiras
- 1 puerro
- 1 cebola pelada
- 1/2 repolo ou 1 enteiro se é pequeno
- 1 tomate maduriño
- Se nos gusta tamén podemos engadir apio
Elaboración do caldiño:
Antes de nada debemos comprobar que temos unha ola grande ou se non deberemos cortar a galiña en anacos pequenos que poidan entrar na ola. Eu prefiro facelo en anacos para repartir mais fácilmente nos pratos unha vez lista a sopa.
Pois comezamos… 😉
Metemos a galiña con auga bastante uns 4 dedos por riba da galiña e un puñado de sal gorda. Se hai problemas de tensión nos comensais reduciremos a cantidade de sal para que poidan comer todos con tranquilidade.
Deixamos que ferva e verás como comeza a aparecer unha espumiña branca na auga, esto é polas grasas que ten a galiña. Aconsellamos retirala para conseguir un caldiño limpo.
Despois deixamos ferver uns 25 minutos e despois engadimos todos os ingredientes troceados (cenoira, puerro, cebola, tomate, apio, repolo) polo menos en 4 anacos cada un para que saia o sabor de todos e se incorpore á auga. De seguido baixamos a intensidade do lume a lento.
Deixaremos cocer as verduras xunto coa galiña 1/2 hora mais e xa podemos retirar do lume. E xa está listo para comer o caldo de verduras con galiña.
Esta auga podes conservala para utilizar en sopas nun futuro ou en guisos. Para conservala podes metela na neveira se é por uns días e se non introducea nunha botella e garda no conxelador ou nunha cubiteira.
Se a metes nunha botella cando queiras volver a usar o caldo só terás que meter a botella fechada en agua quente e esperar a que desconxele.
Convertir un caldo nunha sopa
Convirte un Caldo en Sopa de Verduras
Se queres podes variar o prato convertindo nunha sopa de verduras rica en proteinas.
Para elo retira un pouco de auga e engadirlle pasta para facer unha sopa. No momento de servir introduce anacos da galiña en tiriñas ou cadrados e engádelle tamén un ovo cocido picado. Verás que sabor máis rico consegues e cheo de proteinas que aporta o ovo cocido.
Ven é coñece as labradoras e vendedoras da Praza de Abastos de Vilagarcia. Elas poderán darche esta e outras máis recetas para conseguir que as túas comidas ademais de variadas sexan saudables e nutritivas.
Se queres poñerte en contacto con nos podes facelo na Praza da Verdura todos os martes e sábados ou mediante o email hola@prazaverdura.com
