A maioría das persoas asocia froita a verán, pois dende a Praza da Verdura tamén queremos reinvindicar que no inverno tamén se come froita.
Existen moitas froitas que son propias de este tempo e que poderás atopar nos postos das nosas labradoras que están vendendo os martes e sádados na Praza de Vilagarcia.
As principais froitas de temporada que se consumen son:
Laranxas
Están cargadas de vitamina C que é a vitamina que o noso corpo precisa para poder afrontar os catarros e gripes do inverno. A laranxa pódese comer en mermelada, xalea, zume ou ao natural. Toma a lo menos 1 laranxa ao día e axudarás ás túas defensas.
Limóns
Outro cítrico que aporta vitamina C ao noso organismo e que mesturado con productos como a mel é un gran antiseptico para as dores de gorxa.
É a froita máis doada de tomar xa que podes engadirlla a carnes, peixes, facer zume mesturando con laranxa ou azucre, utilizar as cortezas para postres …
Limóns, laranxas e mandarinas son un aporte extra de vitamina C para o noso corpo
Mandarinas ou clementinas
É a froita máis consumida polos nenos porque é moi doada de levar consigo e de comer en calquer lugar. Ao igual que as laranxas e limóns aportan vitamina C que axudan ás nosas defensas protexendonos dos resfriados.
Kiwis
Quén non escoitou que tomar un kiwi co estómago vacío pola mañá axuda ao noso ventre. Isto ocorre porque o kiwi ten un alto contido en fibra e vitaminas C e E. Podes comelo en mermelada, ao natural, en postres, zume ou incluso engadindo ás túas ensaladas este inverno.
Un sabor un pouco agrio pero que no fondo está boísimo e nos axuda físicamente.
Mazás
As mazás é unha froita que podes atopar durante todo o ano. Existen centos de variedades: tabardilla, golden, grand smith, pink lady … cada unha cun sabor característico que van dende o doce ata o agrio pasando por máis ou menos auga.
Esta é unha froita moi importante na nosa dieta do día a día xa que aporta ferro, vitamina C, fibra, fósforo e potásio ao noso organismo. Por non falar de que é unha forma natural de limpar os nosos dentes cando non temos un cepillo á man.
Podes consumir mazás de moitos xeitos: ao forno, en tarta, en compota, en mermelada, cruas, cocida con lombarda, zume …
Froita que podes atopar durante todo o ano na Praza da Verdura nas súas diferentes variedades
Peras
Ao igual que a mazá existen diferentes variedades de peras durante todo o ano. O seu consumo no inverno aporta fibra, vitaminas e ácido fólico. Este último é moi importante para as mulleres embarazadas ou que están intentando quedarse en estado.
As peras podes consumilas crúas, en zume, en batidos, cocidas con viño, en macedonia …
Xa ves todas as oportunidades de comer froita que tes no inverno. Se non se come froita no inverno é porque non se quere. Nos postos das nosas labradoras da Praza da Verdura, ademáis de hortalizas, legumes e verduras podes atopar unha gran variedade de froita das nosas hortas do Salnés.
