Acelgas frescas: infinidade de propiedades e beneficios

As acelgas son unha das verduras que podes atopar durante todo o ano na Praza da Verdura e que nos poden sacar de máis dun apuro na cociña.

Esta verdura ás veces é olvidada e deixada de lado por outras como son as espinacas e o brocoli polo seu contido en ferro. Pero non hai moito tempo descubreuse que as acelgas teñen máis ferro que outras verduras ou hortalizas. Así que dende a Praza da Verdura aconsellámosvos que non vos deixedes levar pola fama e fagades un consumo variado de verduras.

Hoxe é o turno das acelgas na nosa páxina da Praza da Verdura, así que vamos falar das propiedades e beneficios que nos aportan.

Propiedades das Acelgas frescas

• Vitamina A: as acelgas conteñen betacaroteno que dentro do noso corpo se transforma en vitamina A. como xa sabemos esta vitamina axuda a rexeneración das mucosas e texidos brandos do noso corpo como son por exemplo: os ollos, a gorxa, pelo …
• Antioxidante: prevén a sequedade da pel e dos texidos evitando a dexeneración.
• Vitamina K: esta vitamina encargase da coagulación do sangue no caso de feridas, evita a aparición expontánea de moratóns con pequenos golpes e tamén se encarga de manter os ósos fortes.
• Vitamina C: axúdanos a combater moitas enfermidades como o gripe, resfriados …
• Potasio: o potasio axuda a controlar a obesidade e a retención de líquidos, polo que as acelgas son un alimento ideal para as dietas de adelgazamento.
• Magnesio: o magensio é un dos minerais que controlan a hipertensión, as dores de cabeza e o ritmo cardiaco.
• Ácido Fólico: as mulleres que quedan embarazadas acostuman a tomar ácido fólico para o correto desenvolvemento do bebé. Por este motivo é un dos alimentos máis recomendables nesta época.
• Fibra: a fibra axuda ao noso sistema dixestivo evitando o estreñimento e o colesterol.

¿Necesitas máis razóns para achegarte á Praza da Verdura de Vilagarcía?

Ven a mercar as túas verduras, hortalizas, legumes ou froita para as túas comidas. Se nestes carnavais te atreves e vas facer un lacón con grelos as nosas labradoras teñen os grelos máis frescos esperando por ti.