O Pisto é unha receita moi común na provincia de Castela a Mancha mais non é só característico de alí. Moitas de nosas nais e avoas seguro que volo teñen preparado máis de unha vez. A verdade é que é ideal para comer só ou acompañar con calquer outra cousa: carne, peixe, pan, ovos …
Ingredientes:
- 5 tomates maduros
- 1 calabacín
- 1 berenxena
- 1 cebola
- 2 dentes de allo
- 1 cenoira
- 1 puerro
- 2 pementos verdes
- 1 pemento vermello
- sal
- azucre
- un chorriño de aceite
- pementa, orégano, perexil, romero
Os tomates frescos dan un gran xogo á hora de cociñar
Elaboración:
Nunha ola poñemos un pouco de aceite e engadimos a cebola cortada en cuadrados e o puerro en rodelas e deixamos que se fagan uns 4 minutos a lume lento. Pasado este tempo engadimos os allos limpos e picados moi fino e as cenoiras en rodelas tamén, removemos e deixamos 1 minuto mais. Aproveitamos este minuto para limpar os pementos e cortalos en cadradiños e engadimos á mestura anterior.
Remexemos lentamente de vez en cando ata que todo colla unha textura pochada e aproveitamos para salpimentar, o tempo aproximado que debemos deixar as verduras e hortalizas así é duns 20-25 minutos.
Noutra ola engadimos un pouco de aceite e os tomates pelados e troceados, engadimos: sal, azucre, orégano, pementa, perexil e romero e deixamos que se faga durante uns 15 minutos removendo cada pouco para que non se pegue. Cando esté listo o tomate engadimolo á outra ola que temos ao lume, onde están os pementos, cenoiras, puerro, allo e cebola. Damos unhas voltiñas durante 5 minutos para que se xunten o sabor do tomate natural cos da outra ola.
E xa está lista esta mestura de verduras tamén chamada pisto.
Pisto de verduras frescas con ovos
Como vedes é unha receita moi sinxela que podedes utilizar como prato ou como acompañante de carnes ou peixes.
Recorda podes atopar todo o que precisas na Praza da Verdura de Vilagarcía.
Verduras e hortalizas cultivadas polas nosas labradoras con un sabor inigualable.
