Xa se fai sentir no ambiente que estamos en Semana Santa e con ela veñen as tradicións que máis ou menos todos cumprimos sexamos ou non crentes.
Hoxe vamos a ensinarvos como se fai un dos pratos máis típico destes días:
Potaxe de Semana Santa.
Ingredientes:
- 350 gramos de garbanzos en seco (deberédelos poñer a remollo unhas 12 horas con un puñado de sal )
- 350 gramos de bacallau xa desalagado
- 250 gramos de espinacas frescas
- 2 cebolas
- 4 dentes de allo
- 1 ovo
- pan
- Pementón
- 1 folla de loureiro
- Aceite de Oliva
- Sal
Elaboración:
O primeiro que debes facer é poñer a cocer os garbanzos, xunto con 2 dentes de allo pelados e o loureiro. Todo isto metémolo nunha ola durante unha hora e media a lume lento.
As legumes secas son unha forma de comer sano durante todo o ano
Mentras se fan os garbanzos podemos comezar a preparar o sofrito. Para facelo collemos 1 dente de allo e picámolo moi fino e o outro pelámolo simplemente. Tamén pelamos as cebollas e picámolas en xuliana moi finiña.
Collemos unha tixola e engadimos un pouquiño de aceite de oliva e fritimolo allo picado a lume normal, cando vemos que colle un colorciño dourado engadimos o allo enteiro que temos pelado. Deixamos que se doure un pouquiño antes de engadir a cebola cortada a xuliana. Engadimos sal e esperamos a que esté pochada momento no que apagamos o lume.
As espinacas son unha verdura que ten unha gran cantidade de ferro
Cando enfríe un pouco sen estar frío de todo engadimos a cullerada de pementón, de este xeito non se nos queima. Removemos ben todo para que ligue e reservamos este sofrito.
Neste momento é cando collemos un cazo e cocemos o ovo que precisaremos o final da receita.
Pasada a hora e media de cocción dos garbanzos retiramos o allo e o loureiro que puxemos a cocer con eles, neste momento engadimos o sofrito que fixemos e botamos as espinacas lavadas. Deixamos así durante 2-3 minutos.
Veremos que as espinacas xa reducen o seu tamaño entón é o momento de desmigar o bacallau en anacos pequenos que poidamos comer dun bocado e introducilo na ola.
Chegados a este punto baixamos o lume a case o mínimo e deixamos cocer uns 5 minutos, iremos probando para saber se precisamos sal e se o bacalao xa está case cocido.
Así xa se podería comer e estaría riquísimo volo podo asegurar pero vamos a darlle un toque final.
Collemos unha tixola e con un pouco de aceite fritimos unha rebanada de pan ata que quede dourada. Despois collémolo pan desfacemolo e engadimos o allo que nos faltaba machacamos todo xunto e despois introducímolo na ola xunto cos garbanzos e o bacalao. Que non se nos olvide engadirlle ese ovo cocido que tiñamos preparado. Deixamos cocer 5 minutos máis e listo.
O pan machacado co allo e o ovo cocido daralle unha textura áo caldo mais espesa e un sabor moi rico.
En Semana Santa non se debe comer carne pero como vedes podemos facer pratos moi ricos que poden pasar a ser un máis do noso día a día.
Ven ata a Praza da Verdura de Vilagarcía e verás todos os productos frescos que temos recollidos das nosas hortas (hortalizas, verduras, legumes e froita) e que che van dar mais dunha idea para facer de comer nestes días.
Repolos das hortas das nosas labradoras da Praza da Verdura
