Coas hortalizas tamén se poden facer postres e o que non o crea que vexa é probe este biscoito de cenoira que está para chupar os dedos. Unha boa forma de que os pequenos da casa coman verduras sen darse conta.
Ingredientes:
- 250 gr de Cenoiras
- 200 gr de Fariña
- 200 gr de Azucre
- 4 ovos
- 125 ml de aceite de oliva
- 1 sobre de levadura en polvo
- 1 cullerada de canela moida
- 1 pouco de sal
Elaboración
O primeiro é coller un bol grande e mesturar os ovos xunto co azucre ata que éste se desfaga. Cando estén ben ligados engadimos o aceite e a cenoira que previamente teremos limpa e relada ben finiña e voltamos a remexer.
Agora é o momento de introducir a fariña para o biscoito. A fariña ponse tamizada xunto cunha pizca de sal, a canela e a levadura en polvo. Ligamos todo ben con a batidora e deixamos repousar mentres preparamos o molde mais o forno.
Poñemos o forno a prequentar a 180º C durante o tempo que tarde o forno en quentar imos a preparar o molde. Para isto debemos por papel vexetal para cociñar no fondo do mesmo e untar o papel mais os laterais do molde con manteiga e fariña para que resulte máis doado desmoldar.
Cando esté listo engadimos a masa do biscoito de cenoira e se o forno está quente metemos no medio do forno para que lle dé o calor por todos os lados e se faga de forma uniforme.
O tempo de espera deberá rondar os 30 minutos pero mellor que esteades atentos e a partir dos 20 minutos para que non se vos queime. O método para saber se está listo ou non é o mesmo que para todos os biscoitos, introducir un pauciño e se sae seco está listo.
Como vedes coas cenoiras tamén se poden facer sobremesas moi ricas, así que vos animo a que probedes.
As cenoiras son unha hortaliza que podedes atopar durante calquer época do ano na Praza da Verdura de Vilagarcía.
Un aperitivo saudable para calquer hora tanto para nenos como para maiores
