Unha receita sinxela e rápida de facer que podes preparar en calquer momento. Ven ata a Praza da Verdura e merca as verduras e hortalizas que precises para facer esta receita a base de acelgas.
Ingredientes:
- 1 manoxo de acelgas
- 1 cebola
- 2 tomates sen pel
- 4 ovos
- 1 cucharada de aceite de oliva
- allo
- viño branco
- sal
- pementa negra
- xamón curado ou panceta curada
Elaboración:
Antes de nada deberemos lavar as acelgas e cortar o tallo, xa que sólo vamos a utilizar as follas. Mentres limpamos as follas poñemos unha ola con auga a quentar. Cando estén limpas as acelgas e a auga ferva metémolas durante uns 8 minutos para que abranden e despois quitámolas e cortamos a cocción con auga fría.
Na Praza da Verdura de Vilagarcía podes mercar acelgas frescas todos os días
De seguido cortamos a cebola en cadradiños pequenos e poñemola na tixola xunto co allo picado, sal, pementa negra moída e un chorriño de aceite de oliva. Remexemos para que non se queime e cando vexamos que a cebola empeza a abrandar engadimos o xamón curado fino (en cadrados ou en lascas).
Damos unhas voltas máis e xa podemos engadir o tomate sen pel esmagado mais unha copa de viño branco. Baixamos a intensidade do lume e tapamos para que se integren ben todos os sabores.
Este é o momento de preparar os ovos, podemos facelos escalfados simplemente rompendo un ovo en auga a piques de ferver ou senon facelos ovos adobados. Para facer os ovos adobados precisamos dun papel film para cociñar. Debemos poñelo nun vaso ou nunha taza ben estirado, rompemos dentro o ovo e aliñámolo con sal e pementa ao gusto,e se queremos algunha herva aromática. Despois pechámolos ben para que non se abra o contigo e poñemos nunha ola con auga a ferver durante 4 minutos.
Durante o tempo de preparar os ovos xa teremos listo o xamón coa cebola así que engadimos as acelgas enriba e damos unhas voltiñas máis, para que se impregnen.
Para presentar poñemos nun prato a mezcla da tixola e un ovo adobado enriba.
Xa vedes, un prato moi sinxelo feito con verduras e hortalizas que podes atopar na Praza da Verdura de Vilagarcía de Arousa.
