As receitas da Praza de Vilagarcía

Ingredientes: 4 calabacíns 4 tomates 2 lonchas de xamón serrano 80 gr. queixo parmesano 40 gr de piñóns 1 dente de allo aceite de oliva sal pementa Elaboración: Lavamos e cortamos os calabacíns en láminas moi finas, evitamos a parte central das semillas. Cortamos o xamón en tiras, tamén moi finas, mentres doramos os piñóns nunha sartén, tendo coidado de que non se nos queimen. Lavamos os tomates e cortámolos en dados, teremos que pelar e picar o dente de allo, o queixo tamen o cortaremos e lascas finas. En unha sartén grande, poñemos aceite a quentar, engadimos as láminas de calabacín e dorámolas a lume alto durante 2 minutos, removendo contiuamente. Incorporamos o allo, os dados de tomate, sazonamos con sal e pementa e cociñamos durante 1 minuto máis. Apagamos o lume, espolvoreamos a albahaca picada, engadimos o xamón e mezclamos todo. Unha vez servido no prato, rocíamos con aceite de oliva e acompañamos co queixo. Bo proveito!! Tallaríns de calabacín con piñons

Damos a benvida o véran, e con él a unha gran variedade de froitas. Aproveita para refrescarte tí e os teus fillos de forma sana con este batido de froita variada, que atoparás na Praza da Verdura de Vilagarcía. Batido de froitas Ingredientes: 3 albaricoques 1 plátano 1 rodaxa de sandía 1 iogurt natural 2 peras Elaboración: O primeiro a facer e pelar as froitas e cortalas en dados. En un vaso da batidora, mezclamos as froitas e o iogurt, batimos durante uns minutos. Podemos engadir un par de cubitos de xeo, para que sexa máis refrescante. Si vemos que nos queda un pouco espeso, podemos engadirlle leite, a ser posible desnatada. As froitas poden variar, según o gusto de cada un. Batido de froitas frescas

Chegan os nísperos a Praza da Verdura de Vilagarcía. O níspero aportanos potasio, fósforo, calcio, manganeso, sodio e zinc. Tamen teñen propiedades astringentes, diuréticas, antiinflamatorias, antidiábeticas e saciantes. Principalmente, tomamolos de postre ou entre comidas, pero tamen quedan perfectos en ensaladas, aliños ou doces. Damosche unha idea para incluir o níspero nunha ensalada. Ensalda de nísperos, pasta e pataca Ingredientes: 2 patacas cocidas 4 tomates pequenos 1 puñado de espaguetti cocidos 4 nísperos grandes 1 puñados de canónigos vinagre de mazá orégano seco Elaboración: Primeiro prepararemos o aliño, en un tarro de cristal con tapa, poñemos sal, vinagre e o orégano; axitamos ata emulsionar, tapamos e metemos na nevera. Cortamos as patacas en rodaxas, poñemolas nunha fonte, con un pouco de sal. Lavamos os tomates, cortamolos ó medio e colocamolos encima das patacas. Pelamos os nísperos e cortamolos en catro trozos, engadimolos a ensalada xunto cos espaguettis e os canónigos. Cinco minutos antes de servir, incorporamoslle o aliño. Unha ensalada con diferentes nutrientes para empezar a comer lixeiro esta primavera. Ensalada de nisperos  

A Praza da Vedura de Vilagarcía enchese de grelos, repolo e patacas, para darlle a benvida o entroido e o cocido, típica comida por excelencia de estas festas. Mans a obra… Comezamos!!! Cocido galego Ingredientes: 1kg. de garbanzos 2 manoxos de grelos 2 lenguas de porco salgadas 1 cachucha enteira 1 kg. de patacas 1 pouquiño de unto 8 chourizos 2 orellas de porco salgadas 1/2 lacón 2 rabos de porco salgados 1 trozo de carne de terneira Auga Sal Elaboración: Dous días antes de preparar o cocido, temos que poñer en remollo as partes do porco salgadas, cambiando a auga, mínimo unha vez ó día. Doce horas antes, deixamos os garbanzos a remollo. Nunha cacola grande, poñemos auga a ferver,  botamos os garbanzos, a carne de porco e un trozo de carne de terneira (a que máis nos guste). Durante 1 hora e media, deixamos a lume medio. Salamos a media cocción. Vamos retirando a carne según se vaia facendo, normalmente primeiro a orella, o rabo, carne de terneira, depois a cachucha e por último o lacón. En outra cazola coceremos os grelos, as patacas enteiras e os chorizos, non nos olvidemos de engadir o unto. Deixamos 20 minutos a lume alto. Xa teremos o cocido listo! A presentación vai a gusto de cada un. Grelos e patacas da Praza da Verdura de Vilagarcía

  O repolo chega a Praza da Verdura de Vilagarcía, fresco e con moito sabor, para que, con este frío, podamos facer pratos saludables e ter o corpo quentiño. Ademáis de ser unha verdura baixa en calorías, tamén é boa para o tránsito intestinal e ten beneficios diuréticos e depurativos… con todas estas ventaxas, ¿por qué non vamos a comer repolo? Ademáis é moi sinxelo de cociñar! Repolo con allo e pimentón Ingredientes: 1/2 repolo 4 patacas grandes 1 culler de pimentón dulce 3 allos medianos Elaboración: Lavamos a partimos o repolo, poñemolo nunha cacerola e cubrimola con auga, engadimos un chisco de sal e poñemos a ferver. Cando vexamos que está blando (esto sempre é a gusto de cada un), poñemolo a escurrir. Por outro lado, pelamos e lavamos as patacas, e poñemolas a cocer. Cando estén cocidas, poñemos a escurrir tamen. Podense cocer o repolo e as patacas a vez, pero hai que ter en conta que ó repolo levalle un pouco máis de tempo cocer que a pataca. Nunha tixola, poñemos un chorriño de aceite de oliva virxen e os allos laminados, cando vexamos o allo doradiño, retiramos e deixamos enfríar un pouco para poder engadir o pimentón e que este non se queime. Xa por último, colocamos as patacas e o repolo nunha bandexa de servir, e regámolo co preparado da tixola. Repolo con allo e pementon  

A Praza da Vedura vístese de Halloween para ofrecer as cabazas que tanto se demandan para esta noite. Pero a cabaza non só sirve para adornar esta noite, senon que tamen podemos facer receitas moi ricas con esta hortaliza. Hoxe propoñemos un biscoito para esta noite de medo.   Biscoito de cabaza Ingredientes 250 gr. de cabaza  100 gr. amendoa moida 50 gr. fariña de repostería 1 culler de levadura de respostería 4 ovos medianos 1 culler de esencia de vainilla 1 culler de canela en polvo 1/2 culller de xenxibre en polvo 1/4 culler de noz moscada 1/2 limón raiado Elaboración Comenzamos preparando a cabaza, quitamos a pel e troceamos. Nunha bandexa para forno, colocamos os trozos, mollados con un pouco de auga, e poñemos no forno durante 20 minutos a 180º. Mentres se asa a cabaza, separamos as xemas das claras, batimos estas con unha pizca de sal ata conseguir o punto de neve. Reservamos. En un bol, batimos as xemas co azúcar, ata que blanqueen, engadimos a esencia de vainilla, o medio limón raiado, o coco, a cabaza que esmagada con un tenedor e a amendoa. Mezclamos ben. Engadiños a fariña e a levadura, seguimos removendo ata conseguir unha pasta homoxénea. Por último vamos incorporando as claras a punto de neve, moi despacio e sen parar de remover. Volcamos nun molde de biscoito, que untaremos con manteiga previamente. Co forno xa quente, introduciremos o molde e 180 grados, deixamolo durante 30 – 40 minutos. Unha vez frío, desmoldamos e decoramos a gusto. Biscoito de cabaza    

Con tanta festa de verán o noso corpo pide a gritos unha desintoxicación de grasas e azucres, esta é unha receita baixa en calorías que aportará ao teu corpo enerxía e axudará a limpar as toxinas, azucres e colesterol. Na Praza da Verdura podes atopar verduras, hortalizas, legumes e froita que che axuden a manterte saudable para afrontar o día a día. Ingredientes: aceite de oliva 1 pemento vermello 1/2 pemento verde calabaza calabacín 1 cebola grande 4 alcachofas tomillo seco sal pementa negra Elaboración: O primeiro que deberemos facer é poñer o forno a prequentar a uns 220º C. Despois empezamos a limpar as verduras e hortalizas. Comezamos preparar as  alcachofas, para isto deberás limpalas cortándolle as puntas e quitándolle as follas máis duras do arredor deixando só o corazón da alcachofa. Deberás cocélas con un chorriño de limón durante uns 10 minutos. Mentres picamos os pementos en tiras e anacos finos, depois cortamos a carne de cabaza e o calabacín en cadrados pequenos que se poidan comer dun bocado. As cebolas cortámolas en tiras finiñas para que se fagan ben. A cabaza ten moi poucas calorías e moitas vitaminas para o noso corpo Unha vez está todo listo poñémolo nunha bandexa de forno con chorriño de aceite de oliva por baixo, e por riba, engadimos máis aceite, sal, tomillo e pementa negra. Listo para meter ao forno xa prequentado. Deberás deixar as verduras e hortalizas durante uns 20-25 minutos  ata que se empezan a poñer doradas. Podemos ir abrindo o forno e remexendo se queredes que as de arriba non se tosten tanto. A este prato podedes engadirlle outras hortalizas como cenoira, tomate, patacas … o que prefirades. Simplemente deberedes ter en conta a dureza de cada verdura ou hortaliza que aportedes a maiores para que non queden unhas crúas e outras demasiado feitas. Como vedes un prato sinxelo feito con verduras, que vai perfectamente para unha cea ou unha comida lixeira. Aporta moi poucas calorías pero si vitaminas e minerais necesarios para o noso corpo. Porque alimentarse con verduras non ten que ser aburrido, achégate á Praza da Verdura e observa todas as posibilidades que tes. As labradoras e vendedoras da Praza de Abastos de Vilagarcía poden axudarche a elexir as verduras e hortalizas. Verduras, hortalizas e legumes frescas a diario na Praza da Verdura de Vilagarcía de Arousa

Esta hortaliza pode tomarse como prato principal ou como acompañamento de carnes e peixes. Recorda que as alcachofas teñen un efecto diurético que axudan a eliminar líquidos e toxinas á vez que reducen o colesterol. Ingredientes: 2 alcachofas 1 taza de aceite 4 dentes de allo picado moi fino 1-2 limóns sal pementa negra, a poder ser recén moida Elaboración: Como este prato e tan sinxelo e rápido de preparar deberemos o primeiro poñer o forno a prequentar a 180 º C. Despois poñemos unha ola con auga a ferver e exprimimos o zume de medio limón dentro. Agora imos preparar as alcachofas. Para isto deberemos quitar as follas máis duras do arredor, despois cortar as puntas con un coitelo ben afiado e o tallo totalmente. Despois cortamolas en vertical ao medio. De seguido metémolas na auga a ferver que tiñamos preparada. Se vedes que tarda moito en ferver aconséllovos que para que non se oxiden as alcachofas cortadas e limpas as metades nun bol con auga fría e un pouco de limón exprimido. Na Praza da Verdura poderás atopar esta e outras hortalizas, verduras, legumes e froitas frescas Unha vez as alcachofas están na auga a ferver deberemos esperar uns 15 minutos. Mentres podemos preparar o adobo que se comporá da mestura do aceite co sal, o limón, o allo picado e a pementa negra moída. Cando se terminen de cocer as alcachofas escurrímolas e pomolas estiradas nun recipiente apto para o forno. Adobamolas co aliño que preparamos e metemos ao forno que xa ten que estar quente. Reservamos parte do aliño porque deberemos darlles a volta e voltar a aliñar. O tempo das alcachofas dentro do forno debe ser uns 5-10 minutos dependendo do tamaño e o calor do forno. Cando vexades que as puntas se queren empezar a secar e queimar será o momento de sacalo. Se vos quedou algo de adobo podedes botarllo por riba antes de servir. Xa vedes que é moi sinxelo, limpo e fácil de facer así que anímovos a que vos acheguedes á Praza e experimentedes tanto o sabor como o benestar que a alcachofa aporta ao voso corpo. Despois de probalo seguro que máis de un e unha, terá este prato como referencia nas súas próximas comidas.  

Hoxe biscoito de froita feito con mazá con iogur unha receita sinxela e fresca para tomar en calquer sobremesa ou merenda. Ingredientes: 2-3 mazás 1 iogur natural ou de limón 1 medida do vaso de iogur aceite de oliva 1,5 medida do vaso de iogur de azucre 3 medidas do vaso de iogur de fariña 3 ovos 1 sobre de levadura mel canela en pó Froita de temporada na Praza da Verdura de Vilagarcía de Arousa Elaboración: Comezamos por mesturar o iogur co aceite, o azucre, a canela e a mel. Despois batemos os ovos e engadimos tamén na mestura anterior. Recomendamos utilizar unha batidora para asegurar que a mestura sexa uniforme. No mesmo bol imos engadindo a levadura e a fariña tamizada. Agora é o momento de pelar e cortar as mazás en anacos como se fosen as patacas para facer unha tortilla. Se queremos adornar o biscoito podemos reservar algúns trozos. Voltamos a bater e triturar todo ben para que non queden tropezóns no medio do biscoito. Preparamos o molde que imos levar ao forno para facer o biscoito. Debemos engrasalo molde ben con mantequilla e despois espolvorearlle fariña. Unha vez teñamos listo o molde vertemos a masa que temos feita no interior. Agora sería o momento de decorar o biscoito se queremos poñendo lascas de mazá ou espolvoreando azucre por riba. Introducimos o molde no forno uns 35-40 minutos a 180 ºC, o forno debe estar prequente antes de meter o molde. Para comprobar se está feito podemos pinchar con un pauciño e cando saia seco e que o biscoito está listo. Un truco se vedes que se empeza como a queimar pero por dentro inda non está, podedes cubrir o molde con papel de aluminio axudando a que se faga antes. Esperámosvos os martes e sábados na Praza da Verdura.

A tortilla é un básico da cociña española sobre todo pola diversidade de ingredientes que podemos utilizar na súa elaboración. Hoxe deixámosvos unha tortilla na que predominan as verduras e hortalizas que podes atopar na Praza da Verdura de Vilagarcía. Ingredientes: 9 ovos 5 patacas medianas 100 gramos de xamón serrano 100 gramos entre pemento vermello e verde 200 gramos de chícharos 1 cebola setas ou cogumelos (según gustos) aceite de oliva sal Elaboración:  Como en toda tortilla comezamos por pelar as patacas e cortalas en anacos pequenos. Poñemos unha tixola ao lume con aceite de oliva e cando esté quente engadimos as patacas. Mentres imos picando o pemento vermello e o verde en anacos pequenos según vos guste atoparlos ou non no medio da tortilla ao morder. A min gústame que lle dé o color e o sabor pero non morder un anaco e que todo sexa pemento. Neste momento xa deben estar as patacas a punto de porse doradas así que engadimos os pementos e deixamos que se fagan a lume lento. Picamos a cebola menudiña e o xamón serrano; tamén cortamos en láminas as setas ou cogumelos. Esto todo vámolo preparar noutra tixola na que tamén engadimos aceite. Poñemos a cebola e cando esté case transparente engadimoslle o xamón e as setas ou cogumelos. Non deixamos de remexer para que se fagan de forma uniforme. Cando case está engadimos os chícharos para que collan o sabor do xamón e a cebola pochada. Agora é o momento de batir os ovos, aconséllovos coller un recipiente grande como por exemplo un bol de eses de ensalada. Xuntamos os ovos con as verduras e hortalizas ben escurridas para que non nos quede a tortilla aceitosa. Esta mestura poñémola nunha tixola con un pouco de aceite para xa terminar de facela tortilla. A tixola debe estar ben quente e segundo vemos que está cuajando dámoslle a volta. Agora xa é cuestión do consumidor haberá quen lle guste máis cruda ou máis pasada. Vinde á Praza da Verdura e merca as verduras, hortalizas e legumes que precises para facer a túa Tortilla Paisana con Verduras da Praza.

O pepino é unha das hortalizas que case toda a sua composición é auga. Polo que en momentos de moito calor para hidratarse é moito máis saudable que tomar zumes envasados ou auga. Esta receita é moi sinxela de preparar e poden incluso axudarche os pequenos da casa. Ingredientes:  – 2 pepinos grandes – cebollino ou cebola verde un manoxo – 1/2 cucharada de sal – 1 eneldo – 1 ou 2 vasos de iogur Elaboración: O primeiro que debemos facer é pelar os pepinos e cortalos quitándolles as sementes para non atopalas no medio da sopa. Despois engadimos estes pepinos limpos, xunto co cebollino, o sal e o iogur nunha licuadora batimos ben ata facer unha crema. Metemos esta mezcla na neveira durante a lo menos 1 hora para enfriala. Agora que xa está lista podemos consumila cando queiramos engadíndolle o eneldo por riba para darlle un sabor diferente. Tamén podes por trozos pequenos de pepino polo medio a modo de tropezóns. O sabor do pepino mesturado co iogur é riquísimo seguro que inda que os nenos non lles gusten as verduras esta crema vailles gustar. Senón tamén podes probar a conxelar a mezcla en recipientes para xeados e darlles un xeado natural para refrescar feito con hortalizas. Na Praza da Verdura podes atopar pepinos e outras moitas verduras, hortalizas, froitas e legumes. Debemos aprender aos nenos a comer saudable, na Praza da Verdura de Vilagarcía axudámosche

Este é un prato pouco habitual pola nosa zona pero si que é moi común consumilo polo norte de España: Aragón, Cataluña, Navarra … Como xa dixemos a cebola é unha hortaliza con infinidade de propiedades para a nosa saúde: antiséptico, anti inflamatoria e anti coagulante. Ingredientes: 4 cebolas grandes 250 gramos de carne picada 1 allo aceite 2 uds de tomate maduro salsa de tomate (a poder ser caseiro) Sal e Pementa Elaboración: O primeiro que deberemos facer será limpar as cebolas e vacialas con moito coidado de non rompelas. Inda que se rompesen non pasa nada xa que podemos atalas con cordel para cociña. Cebolas baleiras para encher da Praza da Verdura Neste momento encendemos o forno e poñémolo a prequentar a 180º C. A cebola que retiramos do interior picámola moi finiña e pasámola pola tixola cun chorriño de aceite, sal e pementa. Cando a cebola comeza a pochar engadimos a carne picada e o allo picado moi finiño. Cando a carne empece a coller color engadimos os tomates maduros xa picados e seguimos a remexer. Mentras se termina de facer a carne colocamos as cebolas nunha bandexa de forno con manteiga ou aceite para que non se peguen as cebolas. Agora xa debemos ter o recheo feito  así que procedemos a introducilo con coidado dentro das cebolas e por riba poñemos 2 culleradas de salsa de tomate. Metemos ao forno durante 20 minutos a 180º C e listas. Mestura de carne e cebola na tixola para encher as cebolas frescas Como podestes observar este é un prato moi sinxelo que pode servir tanto de entrante como de comida principal acompañado dunha ensalada, patacas ou pasta. Tamén podes facer variantes do prato engadindo champiñóns no medio da carne picada ou poñendo queixo relado por riba das cebolas antes de meter no forno. A imaxinación é a mellor compañía á hora de facer receitas con verduras e hortalizas cun sabor inconfundible. Na Praza da Verdura de Vilagarcía podes atopar todos os martes e sábados os mellores productos hortícolas: verduras, hortalizas, legumes e froitas.

A pesar de ser un prato parecido a un guiso as verduras e hortalizas que levan na súa composición son pouco calóricas. Este verán poderás disfrutar da praia sen preocuparte por eses quiliños de máis. Ingredientes: Tenreira tenra para guisar, con pouquiña grasa 1 pemento verde 1 cebola 1 dente de allo 2 cenoiras 1 puñadiño de chícharos 1 Tomate 1 pataca 1/2 vaso de viño branco Caldo de carne, se pode ser caseiro mellor un chorriño de aceite de oliva Un poquiño de tomillo Sal Pementa Elaboración: Comezamos por picar a cebola o allo e o pemento en trozos o mais pequenos posibles e a tenreira en tacos dun tamaño que quepan na boca sen ter que utilizar o coitelo. Estes anacos de tenreira se sellas con un chorriño de aceite moi quente. Cando a carne esté ben sellada engádese todo o que troceamos no primeiro paso: pemento, allo e cebola. Salpementa e remove a lume lento ata que a cebola esté tenra, case transparente. O tomate axuda a regular os niveis de azucre e colesterol no sangue Cando vexamos que a cebola está lista engadimos o viño branco. Mentres esperamos que a mestura ferva aproveitamos para pelar o tomate e trocealo finiño. Se é de eses tomates con moita pepita recomendovos que o eliminedes para non atopalos no medio do guiso. Cando o viño empeza a ferver esperamos uns 2-3 minutos para que se evapore un pouco, cando pasou este tempo engadimos o tomate troceado e un pouquiño de sal. Non te olvides de remexer cada pouco para evitar que se peguen as verduras ao fondo. Dende que introduces o tomate na ola esperas 5 minutos antes de engadir o tomillo e o caldo de carne (eu costumo gardar o caldo de outros pratos, pero se non tes podes facelo cunha pastilliña e auga). Esperamos a que volte a ferver e engadimos as cenoiras cortadas a rodelas finiñas. Deixamos durante 20 minutos que se cozan. Neste intre é o momento de pelar as patacas. Cortámolas a trozos dun tamaño parecido ao da carne, vamos que se poida meter na boca sen precisar dun coitelo. Introducimos e deixamos cocer a lume lento uns 25 minutos. Dependendo do tipo de pataca pode desfacerse un pouco, se queredes que esto non ocorra podedes sofreilas un pouco antes. Merca na Praza da Verdura as verduras que precisas, consegue un sabor único e natural con productos da nosa terra Cando está a pataca case cocida engadimos os chícharos  e subimos o calor do lume para que reduza un pouco o líquido do guiso. Deixamos así uns 5 minutos aproximadamente. E xa está listo un guiso baixo en calorias, moi rico e con verduras frescas que podes facer calquer día do ano. Achégate á Praza da Verdura de Vilagarcía e consegue os mellores ingredientes cultivados nas hortas das nosas vendedoras da praza.

¿Pensando que vas facer de comer? Pois xa que falamos esta semana da berenxena aquí vos deixo unha receita moi sinxela e económica. Ingredientes: 2 berenxenas 1/2 kilo de carne (polo, ternera …) 100 gramos de cenoiras 100 gramos de pataca 1/2 cebola grande Aceite de oliva Pementa Elaboración: O primeiro que debemos facer é cortar as berenxenas pola metade ao largo e facer uns cortes no interior para que se coza mellor. A estas berenxenas engadimos un pouco de sal e aceite  pola parte que fixemos os cortes. Unha vez listas metémolas ao forno xa prequentado durante uns 30 minutos a 180 º C. Mentras temos as berenxenas no forno podemos ir preparando  o recheo . Picamos as hortalizas (cenoiras e patacas) e cocémolas durante uns 15-20 minutos, cando estén listas retiramos do lume e escurrimos. Se queredes tamén podedes engadir chícharos no recheo. Pochamos a cebola e engadimos a carne picada para que se vaia facendo Agora é o momento de picar a cebola e sofreíla co aceite de oliva, cando esté un pouco pochada engadimos a carne picada cun pouco de sal e pementa. Remexemos ata que a carne esté feita, unha vez lista engadimos á cenoira e as patacas cocidas e seguimos remexendo. Neste tempo xa tiveron tempo de facerse as berenxenas, con moito coidado de non romper a pel de fora quítamoslle a maior parte da pulpa para incorporar ao recheo.  Listo agora só queda meter o recheo, se queredes podedes engadir bechamel ou queixo relado e voltar a metelas no forno durante uns 5-10 minutos mais para gratinalo. O máis importante é que se sirvan ben quentes, pero sen queimar claro, para poder apreciar todos os sabores diferentes que leva. Ven á Praza de Abastos de Vilagarcía e merca as verduras que necesites coa confianza de que son productos hortícolas (verduras, legumes, hortalizas e froita) da nosa terra cultivados de forma tradicional e vendidos sen intermediarios. Debemos aprender aos nenos a comer saudable, na Praza da Verdura de Vilagarcía axudámosche

Apetécevos un dulce feito con cenoiras para completar as vosas comidas saudables con verduras e hortalizas frescas. Ahí vos queda un flan que está para repetir e chuparse os dedos. Ingredientes: 10 cenoiras 1/2 vaso de azucre branco (para facer o caramelo) 1/4 vaso de auga (para facer o caramelo) 1/2 limón feito zume (para facer o caramelo) 6 ovos 350 gr leite condensada unha pizca de vainilla unha pizca de canela Elaboración: O primeiro e lavar as cenoiras e pelalas para polas a cocer. Cando estén ben cocidas cortamolas en rodas para que vaian enfriando antes. Para que o forno vaia collendo temperatura podemos encendelo a 180ºC para despois. Cenoiras frescas cocidas para facer a masa do flan Agora imos preparar o caramelo líquido para untar o molde. Se preferides o caramelo industrial podedes pasar o paso seguinte inda que é tan fácil preparalo que case vos animo a que o fagades vos mesmos. Poñemos un cazo a ferver con medio vaso de azucre branco, a auga e o zume do limón. Temos que ir remexendo de vez en cando para que o caramelo non se pegue e o azucre se desfaga completamente. Cando esté listo vertémolo no molde que vamos levar ao forno para facer o flan de cenoira. ¡Vamos a polo flan! Comezamos batendo 6 ovos coa batidora, cando xa estén batidos engadimos as cenoiras cocidas e cortadas xunto coa leite condensada. Batemos ben coa batidora ata formar unha pasta licuada e homoxénea. Poñemos o que nos falta que é a vainilla e a canela e voltamos a remexer, estos ingredientes nas cantidades que vos guste, porque xa sabemos que non son santo de devoción de todo o mundo. O meu consello e que non botedes moito para non desmerecer o sabor da cenoira que é o ingrediente principal deste flan. Unha vez lista a mezcla para o flan botámola no molde que untamos xa co caramelo e introducimolo no forno durante uns 30 minutos a 180º C. ¡Ollo! cada forno é un mundo así que estade atentos non vaia ser que se vos queime. A forma de comprobar se o flan está feito e introducindo un palillo de vez en cando e se sae seco sen grumos e que está listo. Sacámolo do forno esperamos a que temple e metémolo na nevera para poder servilo ben fresquiño. ¿Gustouvos o plan para o postre? Pois vinde ata a Praza da Verdura de Vilagarcía e mercade xa as vosas hortalizas para facer comidas e postres tan saudables e ricos como os que falamos na nosa páxina da Praza.

¿Puerros de postre? Pois sí, e ademais vouvos asegurar que cando probedes os pasteis de verduras e hortalizas ides repetir máis dunha vez, están riquísimos. Ingredientes: 1 lámina de masa quebrada 200 gramos de bacon en lonchas moi finas ou en taquiños aceite de oliva 2 puerros 2 ovos 1 brick de nata para cociñar 100 gramos de queixo relado perexil picado sal pementa Elaboración: Preparación de pastel de verduras con bacon e puerro   O primeiro que debemos facer é estirar e adaptar a lámina de masa quebrada no molde. Unha vez amoldada pinchamola cun tenedor para a súa correcta cocción despois no forno. Agora vamos preparar o contigo do noso rico pastel de hortalizas frescas mercadas na Praza da Verdura. Collemos os puerros e lavámolos moi ben, xa sabedes que os puerros crecen soterrados e inda que as vendedoras os lavan poden conter inda algo de terra entre as follas. Despois de lavamos moi ben procedemos a cortalos en rodas moi finas. Agora collemos unha tixola e engadimos o aceite de oliva e cando estén quente engadimos o puerro e o bacon. Removemos ata que esté ben pochadiño. Cando xa está escurrimos o aceite e gardamos. Nun bol grande metemos os ovos, a nata, o sal, perexil e a pementa e os batemos ata unificar todo. Unha vez mezclado engadimos un pouco máis da metade do queixo, o puerro e o bacon  e voltamos a remexer. Cando esté ben mesturado vertemos todo sobre a base e engadimos por riba o resto que nos queda do queixo. O forno debe estar prequentado a 180º C e o tempo de cocción será duns 15 minutos. Como cada forno é un mundo aconséllovos que estedes atentos e cando vexades que está callada e dourada a saquedes do forno. Un postre saudable a base de verduras que vai gustar a todos  

As coles de bruselas son unha das verduras con máis cantidade de vitaminas, pero polo seu sabor forte moitas veces témolas olvidadas. A continuación poderedes ver unha receita que xa veredes como vos fai gustar delas. Ingredientes:  400 gramos de coles de bruselas 90 gramos de xamón curado en taquiños 1/2 cebola sal pementa negra aceite de oliva 150 ml de viño branco un par de lonchas de queixo ou 50 gramos de queixo relado Elaboración: O primeiro de todo é cocer as coles de bruselas con uns 12 minutos é suficiente, unha vez cocidas escurrímolas e gardamolas para despois. Mentras estaban a cocer as coles picamos media cebola para sofreir nunha tixola con un chorriño de aceite de oliva ata que esté ben pochada case transparente. Este é o momento no que introducimos as coles de bruselas xa cocidas, engadimos un pouquiño de sal e unha pizca de pementa negra moída. Removemos uns minutos estes ingredientes. As coles de bruselas teñen unha gran cantidade de vitaminas e fibra que o teu corpo necesita Despois engadimos o viño branco e deixamos as coles cociñar 5 minutos máis para que se reduza o alcol quedando as coles de bruselas empapadas do sabor. Pasados estos 5 minutos engadimos o xamón curado en taquiños e removemos. Apagamos o lume para que o xamón non se queime e simplemente se abrande un pouco co calor e a humedad das coles co viño. Deixando o sabor a curado tamén nas coles de bruselas. De seguido engadimos o queixo ou cortado en tiras ou se é relado mellor para que se desfaga ben. E listo o teu prato está preparado para ir á mesa e sorprender a toda a familia. Verás como o sabor forte das coles quedará disimulado co xamón a cebola e o viño branco. De seguro que será un prato que vas repetir. Na Praza de Abastos de Vilagarcía de Arousa vas atopar todos os ingredientes necesarios para realizar esta receita tan sinxela. As vendedoras de verduras, hortalizas e legumes que hai na praza axudaranche a mercar o que necesitas ou incluso te poden asesorar de outras moitas receitas.

As sopas son unha forma de comer verduras case sen darnos conta. Agora que estamos no inverno e o frío faise notar unha sopa quentiña é case unha bendición para o noso corpo sen importar se somos nenos ou maiores. A continuación poderedes ver unha receita a base de verduras e hortalizas que atoparedes na Praza da Verdura de Vilagarcía. Sopa de polo ou xamón con verduras e hortalizas frescas Ingredientes: 5 cenoiras 2 dentes de allo 3 patacas 1 puerro 1/2 calabacín 1 culler de aceite 100 gramos de polo desmenuzado ou xamón tipo york 1 litro de caldo de polo A elaboración desta sopa é moi sinxela. Primeiro tendes que picar os allos e sofreilos na ola con unha cullerada de aceite. Cando os allos estén dourados engadides as verduras que xa deberedes ter troceadas. Deberedes trocear todas as verduras (cenoira, puerro e calabacín) en rodas e as patacas un pouco mais grandes. Cando as verduras empecen a estar douradas introducides o polo desmenuzado ou o xamón en cadradiños e seguides sofreindo. A continuación engadides o caldo de polo. Se non tendes caldo de polo gardado, podedes utilizar o que se vende no supermercado ou facelo a base de pastillas de caldo. O sabor non será o mesmo pero podedes sair do apuro case sen notarse. Deixades que ferva e contades 30 minutos dende que comeza a ferver, poderedes comprobar o estado de cocción pinchando unha pataca para ver se está feita. Comproba 5 minutos antes de apagar o sal e se fose necesario engade máis.  Se estivese moi salado un truco é introducir máis patacas na cocción, non fai milagres pero axuda a reducir o sal. Podes introducir variantes nesta sopa: anacos de pan tostado, ovo cocido en anacos, champiñóns … Nunca te aburrirás de esta sopa tan sinxela de preparar. Como podedes ver case todos os productos os poder mercar na Praza da Verdura. Productos recollidos polas nosas labradoras nas terras do Salnés que garanten un sabor e frescura único. Se non che apetece facer unha sopa pero non sabes que cociñar pídelle consello ás Vendedoras da Asociación de Vendedores da Praza da Verdura de Vilagarcía. Elas son expertas en receitas con verduras, hortalizas, legumes e froitas frescas.  

No inverno non todo ten que ser sopas, caldos e guisos. Tamén se pode comer froita, verduras, legumes e hortalizas doutras moitas formas, por exemplo con zumes. Hoxe en día nos supermercados podes atopar zumes de moitos sabores e cores. Pero se tedes 5 minutos aconséllovos que non o merquedes no super e fagades vos un zume natural 100% e recén exprimido. De seguro que os máis pequenos lles vai encantar para a merenda, e así vos asegurades de que toman verduras e froita todos os días. Non vos esquezades de mercar os ingredientes na Praza da Verdura de Vilagarcía. As nosas labradoras e vendedoras traen as verduras recén collidas para vender nos seus postos da Praza. A continuación vouvos deixar 4 receitas para facer zumes naturais: Zume de remolacha Zume de remolacha con productos frescos Ingredientes: 1/2 kilo de remolachas 1 cebola pequena 250 gr. de iogur natural 1/2 limón (zume) Debes raiar as remolachas ea cebola e metélas na batidora facendo un puré. Despois engades o iogur e o zume de limón. Podes tomalo como zume ou como salsa para aliñar ensaladas. Zume de Kiwi Zume de Kiwi con Laranxa, cargado de fibra Ingredientes: 3 kiwis 1 laranxa 100g ramos de uvas brancas Debes xuntar os kiwis pelados e troceados xunto coas uvas nunha licuadora. Cando a mezcla está lista podes ou ben engadir o zume la laranxa ou pelala e introducila cortada para voltar a licuar de novo. Este é un zume moi rico en vitaminas e sales minerales co que poderás recuperar a enerxía despois dun longo día. Zume de hortalizas Zume de espinacas con cenoira Ingredientes: 1/2 taza de espinacas 3 espárragos 2 cenoiras 1 trozo de apio 1/2 mazá en cuartos 1 tomate maduro Pon as espinacas, os espárragos, o apio e a cenoira nunha batidora. Cando case esté liquido o contigo engade a mazá e o tomate. Este é un zume cheo de vitaminas ao que podemos engadir se nos gusta un pepino que aportará un sabor máis doce e fibra ao zume de hortalizas. Zume de cenoira Zume de Cenoira con perexil Ingredientes: 2 cenoiras frescas 1 culler de perexil fresco zume de medio limón Auga Pela as cenoiras e colocaas na licuadora xunto con auga e o perexil. Unha vez esté licuado cola e engade o zume de limón para que lle quite un pouco o dulzor da cenoira. Este é un zume cargado de vitamina A con efecto diurético polo perexil que evita que o noso corpo reteña líquidos innecesarios. O zume de limón aporta vitamina C que conteñen os cítricos que axuda a mellorar as nosas defensas, algo moi importante no inverno. Os zumes naturais teñen moitas mais proteinas e vitaminas que os zumes refrixerados Estos son algúns dos zumes que podes facer na casa de forma natural. Os zumes recén feitos con verduras, hortalizas e froita fresca aportan un 70% máis de beneficios que os zumes prefabricados mercados nos supermercados. Achégate á Praza da Verdura de Vilagarcía e merca os ingredientes para facer esta e moitas outras receitas con productos frescos.  

Ingredientes para facer un Guiso de Lentellas 375 gramos de lentellas 1 pemento verde 1 cebola 1 cenoira 1 pataca mediana 1 tomate 2 dentes de allo 100 gramos de chourizo 5 culleradas de aceite de oliva 1 culler pequena de pementón doce 1 litro e medio de auga Sal 1 folla de loureiro As legumes teñen un gran aporte de fibra e vitaminas para o noso corpo Elaboración Enxagua  ben as lentellas e botas nunha ola grande con auga. Dalle un corte na punta ao pemento e botao na ola xunto coas lentellas. Engade tamén o tomate, a folla de loureiro, unha culler  pequena de sal e a cullerada pequena de pementón. Trocea a pataca e bota na ola. Corta a cenoira a taquiños e engadea coas lentellas. Despois corta o chourizo en rodas e botao na ola. Mentras se fan as lentellas podemos preparar o sofrito. Así que pinta a cebola e corta os allos. Pon a quentar unha tixola co acete e engade a cebola e os allos troceados. Deixa a lume medio ata que se pochen e collan algo de cor. Pon o sofrito no vaso da batidora e engade medio vaso de auga. Bate durante un minuto e despois engade a ola e remexe. Cando as lentellas estén tenras (uns 45 minutos) retira o pemento, o tomate e a folla de loureiro. Por último proba o sal e si fai falla engade un pouco máis. Aquí non se tira nada así que se queres podes gardar o pemento e o tomate que retiramos para facer unha crema de legumes.   Un par de trucos e consellos para darlle un toque diferente: Hai persoas que ao final da preparación cando xa están listas as lentellas engádelle un chorriño de vinagre para darlle mais sabor ou comino moído. Tamén podes engadir despois de feitas un ovo cocido en anacos, xa verás que sabor lle dan. Están riquísimas!!!

Ainda que o sol non nos abandonou de todo o frío faise notar pola tarde – noite. Así que o mellor é combatilo con ceas saudables, quentes e cheas de vitaminas e fibra para combater as gripes, catarros e mocos habituais desta época. Esta receita además de comer rico e saudable vaiche compensar no peto, xa que as verduras, hortalizas e legumes utilizadas son todas de temporadas. Estofado de temporada con productos frescos das vendedoras da Praza da Verdura: Lista de ingredientes: • 300 gr de garavanzos xa cocidos • 300 gr de xudía branca xa cocida • 300 gr de lentellas xa cocidas • 400 g de cabaza • 2 puerros • 1 cebola • 2 dentes de allo • 1 cenoira • 2 tomates • 1 folla de loureiro • 1 cucharadiña de pimentón vermello doce • 1,5 l de caldo de polo, verduras ou auga mineral • Aceite de Oliva Extra Virxe • Sal e pementa Verduras, hortalizas e legumes frescas a diario na Praza da Verdura de Vilagarcía de Arousa Elaboración: Escurrimos as legumes (xudías, lentellas e garavanzos), pasámolas por auga fría e reservamos. Cortamos a cebola en xuliana, picamos os allos, pelamos e cortamos en rodas as cenoiras e os puerros, e cortamos a dados os tomates. Nunha ola facemos o sofrito co aceite de oliva virxe, para iso incorporamos a cebola, a cenoira, os allos e os tomates.Deixamos caramelizar todo e rectificamos de sal ata que xá esté feito. Unha vez que comprobamos que as hortalizas están cocidas pasámolas pola batidora. Engadimos neste sofrito o pementón vermello doce e deixamos cociñar un par de minutos máis e introducimos as legumes. A continuación, mollamos con caldo de polo o auga mineral, engadimos a cabaza e a folla de loureiro, e esperamos a que ferva. Deixamos ferver a lume lento uns 25 minutos e rectificamos o sal ao final, se fose necesario.   A min xa me meteu envexa esta receita, un estofado quente con verduras e legumes de temporada. Achégate e ven a coñecer todos os productos que che podemos ofrecer as vendedoras da Praza da Verdura.  Se non tes moito tempo para facer as compras podes facer a reserva dos teus productos a través do e-mail hola@prazaverdura.com  e pasar a recoller a túa cesta xa preparada pola praza  da verdura, calquer martes ou sábado.    

Crema de Cabaza Ingredientes: 300 gramos de cabaza limpa Unha pataca pequena Unha cebola pequena Un par de pastillas de caldo de polo 300 ml de auga 50 ml de aceite de oliva virxen Preparación da Crema de Cabaza: Comezaremos limpando a cabaza, quitándolle a cáscara e a parte branda do centro onde están as sementes. Unha vez a temos limpa temos que troceala cortándoa en dados. Despois pelamos e lavamos a pataca e a cortamos da mesma forma que fixemos coa cabaza. Finalmente pelamos a cebola e a picamos en dados dun grosor similar ao resto de ingredientes. Poñemos a quentar unha ola de bo tamaño, co aceite de oliva virxen, e unha vez esté quente botamos a cebola troceada e a sofreímos ata que empece a cambiar de cor. Nese momento engadimos a pataca e a cabaza troceadas, removemos ben e botamos o caldo de polo, o cal podemos facelo diluindo as pastillas na auga ou ben usar un caldo de polo caseiro ou comprado xa feito, incluso pode ser de verduras se o preferes. Quentamos a temperatura alta ata que o caldo empece a ferver, entón baixamos a intensidade á metade e mantemos así sobre 25 ou 30 minutos, ata que a verdura quede ben brandiña. Unha vez esté branda usaremos unha batidora para bater todo o contido da ola ata deixalo ben batido formando unha crema homoxénea sen trozos. Correximos o punto de sal e mantemos uns minutos máis a temperatura suave antes de apartar a ola do lune. E xa podemos servir en quente esta crema de cabaza ou ben reservala ata a hora de comer.